Մենք կազմում ենք անհատական տուրեր Հայաստանում՝ հիմք վերցնելով ձեր նախընտրած ամսաթվերը, հետաքրքրությունները, հյուրերի քանակը և նախընտրած ուղությունները
Մենք կազմում ենք անհատական տուրեր Հայաստանում՝ հիմք վերցնելով ձեր նախընտրած ամսաթվերը, հետաքրքրությունները, հյուրերի քանակը և նախընտրած ուղությունները։
Յուրաքանչյուր անհատական տուր ներառում է հարմարավետ մասնավոր ուղևորության հիմնական անհրաժեշտ տարրերը։ Լրացուցիչ ծառայություններ կարող են ավելացվել ըստ պահանջի։
Վանքերի, թանգարանների և այլ վճարովի վայրերի մուտքի վճարները ներառված չեն տուրի արժեքի մեջ։
Այս տուրն առաջարկում է բնության և պատմության թարմացնող համադրություն: Այցելեք Հայոց այբուբենի հուշարձան, այնուհետև բացահայտեք Արագած լեռան լանջերին գտնվող 7-րդ դարի Ամբերդ ամրոցը: Ճամփորդությունն ավարտվում է բարձրադիր Քարի լճի մոտ (3250 մ), որտեղ կարող եք վայելել լեռնային՝ շունչ կտրող, տեսարաններ:
Այս տուրը Ձեզ ծանոթացնում է Հայաստանի բնության գեղեցկությանը և մշակութային ժառանգությանը: Այցելեք Սևանա լիճ և Սևանավանք, որտեղից բացվում են համայնապատկերային տեսարաններ: Ճանապարհը շարունակեք դեպի խիտ անտառներով հայտնի Դիլիջան, որտեղ կտեսնեք Հաղարծին վանական համալիրը: Տուրն ավարտվում է գեղատեսիլ բնությամբ շրջապատված Գոշավանքում:
Արագածոտնի մարզ ուղևորությունը բացահայտում է Հայաստանի առավել ուշագրավ պատմամշակութային կոթողները: Երթուղին ներառում է այցելություն Քասախի կիրճի վեհաշուք տեսարանով հիացնող Սաղմոսավանք, Արագած լեռան լանջերին հառնող 7-րդ դարի Ամբերդ ամրոց և նրբակերտ Կարմրավոր եկեղեցի: Այս ճամփորդությունը ներդաշնակորեն միախառնում է պատմությունը, ճարտարապետությունն ու բնության հրաշալի տեսարանները՝ վառ ու անմոռանալի տպավորություններ պարգևելով Հայաստանի հարուստ ժառանգությունից:
Այս ուղևորությունը բացահայտում է Հայաստանի ամենախորհրդանշական պատմամշակութային կոթողներն ու բնության հրաշալիքները: Ճամփորդությունը մեկնարկում է Չարենցի կամարից, որտեղից բացվում է Արարատ լեռան վեհաշուք տեսարանը։ Այնուհետև կայցելեք 1-ին դարի Գառնու հեթանոսական տաճար, որին կհաջորդի, ժայռափոր և ՅՈՒՆԵՍԿՕ-ի համաշխարհային ժառանգության հուշարձան հանդիսացող, Գեղարդավանքը: Տուրը եզրափակվում է Գառնիի կիրճում, որը հանրահայտ է «Քարերի սիմֆոնիա» բազալտե հոյակերտ ժայռերով:
Այս ճամփորդությունը Ձեզ կուղեկցի Հայաստանի ամենագեղատեսիլ և պատմական վայրերով: Դուք կայցելեք հառնող կարմիր ժայռերով շրջապատված վեհաշուք Նորավանքը, այնուհետև կուղևորվեք, գինեգործության հնամենի ավանդույթներով հայտնի, Արենի գյուղ: Այստեղ կբացահայտեք «Թռչունների քարանձավը», որտեղ հայտնաբերվել է աշխարհի հնագույն գինեգործարաններից մեկը: Տուրը եզրափակվում է առողջարանային Ջերմուկ քաղաքում, որը համբավված է իր բուժիչ հանքային ջրերով և հիասքանչ ջրվեժով:
Այս ուղևորությունը բացահայտում է Հարավային Հայաստանի առավել ուշագրավ և տպավորիչ տեսարժան վայրերը: Դուք կայցելեք, գեղատեսիլ ժայռերի գրկում թաքնված, հրաշագեղ Նորավանքը, այնուհետև կուղևորվեք դեպի վեհաշուք Տաթևի վանական համալիր: Այստեղ կվայելեք անմոռանալի թռիչք «Տաթևեր»-ի ճոպանուղով, որտեղից բացվում են շունչ կտրող բնապատկերներ: Տուրը եզրափակվում է Խնձորեսկի քարանձավային գյուղում, որը հանրահայտ է իր ճոճվող կամրջով և ինքնատիպ լանդշաֆտով:
Լոռու մարզ այս ուղևորությունը Ձեզ կծանոթացնի տարածաշրջանի հարուստ պատմական ժառանգությանը: Երթուղին մեկնարկում է, ՅՈՒՆԵՍԿՕ-ի համաշխարհային ժառանգության ցանկում ներառված, հռչակավոր Հաղպատի վանական համալիրից, որից հետո կբացահայտեք «Զարնի-Պարնի» քարանձավային ամրոց-համալիրը: Այնուհետև կուղևորվեք դեպի, գեղատեսիլ կիրճերի գրկում հառնող, Ախթալայի ամրոց և, ինքնատիպ ճարտարապետությամբ աչքի ընկնող, Արամյանցի դղյակը: Տուրը եզրափակվում է Սանահինի վանական համալիրում, որը նույնպես հանդիսանում է ՅՈՒՆԵՍԿՕ-ի հուշարձան՝ հայտնի իր բացառիկ ճարտարապետական արժեքով:
Հարավային Հայաստանով անցնող այս ուղևորությունը խոստանում է հիասքանչ տեսարաններ և անմոռանալի տպավորություններ: Ճամփորդությունը մեկնարկում է, վեհաշուք Արարատ լեռան պատկերով հիացնող, Խոր Վիրապ վանական համալիրից, որից հետո կուղևորվեք դեպի, գեղատեսիլ ժայռերի գրկում հառնող, հրաշագեղ Նորավանքը: Տուրը եզրափակվում է հնամենի Արենի գյուղում, որտեղ Ձեզ սպասում է այցելություն տեղական գինեգործարան և նրբահամ գինիների համտես:
Հարավային Հայաստանով անցնող այս ուղևորությունը բացահայտում է երկրի ամենագեղատեսիլ և տպավորիչ վայրերը: Ճամփորդությունը մեկնարկում է Խոր Վիրապ վանական համալիրից, որտեղից բացվում է Արարատ լեռան վեհաշուք տեսարանը, այնուհետև կուղևորվեք Արենի՝ տեղական գինեգործարանում նրբահամ գինիների համտեսի: Ուղևորությունը շարունակվում է դեպի, խրոխտ կարմիր ժայռերի գրկում հառնող, հրաշագեղ Նորավանքը, իսկ տուրը եզրափակվում է վեհապանծ Տաթևի վանական համալիրում, ուր կհասնեք «Տաթևեր» ճոպանուղու անմոռանալի թռիչքով:
Այս ուղևորությունը բացահայտում է Հայաստանի հոգևոր կենտրոնը՝ Մայր աթոռ Սուրբ Էջմիածինը: Դուք կայցելեք Հայ առաքելական եկեղեցու սիրտը հանդիսացող Մայր տաճար, ինչպես նաև Սուրբ Հռիփսիմե և Սուրբ Գայանե եկեղեցիներ, որոնք ներառված են ՅՈՒՆԵՍԿՕ-ի համաշխարհային ժառանգության ցանկում: Տուրը եզրափակվում է 7-րդ դարի հոյակերտ Զվարթնոց տաճարում, որը միջնադարյան հայկական ճարտարապետության բացառիկ ու ազդեցիկ նմուշ է: